Content feed Comments Feed
    “சுதந்திரமென்பது மனிதனின் ஆத்மார்த்மான தவிர்க்க முடியாத ஒரு தேவை, அது எட்டப்படும் வரை மனிதனின் ஒவ்வொரு துளி இரத்தத்திலும் அதற்கான வேட்கை செறிந்து கிடக்கும்”

தமிழீழ விடுதலைப் புலிகளின் ஊடகப் பிரிவைச் சேர்ந்த இசைப்பிரியா இராணுவத்தினரால் பிடிக்கப்பட்ட பின்னரே படுகொலை செய்யப்பட்டுள்ளார் என்கிற காணொளி ஆதாரம் வெளியாகியுள்ள நிலையில், அரசாங்கம் சுயாதீன விசாரணைகளை முன்னெடுக்க வேண்டும் என்று நவ சம சமாஜ கட்­சியின் தலைவர் கலாநிதி விக்­கி­ர­ம­பாகு கரு­ணா­ரட்ண தெரி­வித்­துள்ளார்.

அதைவிடுத்து, இராணுவத்தின் அறிக்கையை மட்டும் ஆதாரமாக முன்வைத்து பொறுப்பு கூறுதலில் இருந்து அரசாங்கம் நழுவிக்கொள்ள முடியாது. அதுபோல, இலங்கையின் இறுதி மோதல்களில் போர்க்குற்றங்கள் இடம்பெற்றுள்ளமைக்கு இந்தியாவும் முக்கிய பாங்காளி. பல்லாயிரக்காணக்கான தமிழர்களை கொன்று குவித்ததில் இந்தியாவுக்கும் பங்குண்டு. இந்தியாவும் தண்டிக்கப்பட வேண்டும் என்று அவர் குறிப்பிட்டுள்ளார்.

இலங்கையில் நடைபெற்ற இறுதி மோதல்களின் போது இடம்பெற்றதாக கூறப்படும் போர்க்குற்றங்கள் தொடர்பில் விசா­ர­ணை­களை மேற்­கொள்­வதில் அர­சாங்கம் கண்­மூ­டித்­த­ன­மா­கவே செயற்­பட்டு வரு­கின்­றது. இசைப்­பி­ரியா மற்றும் தமிழ் மக்கள் தொடர்பில் சர்­வ­தேச நாடு­க­ளுக்கு இருக்கும் அக்­கறை இலங்கை அரசாங்கத்திற்கு இல்லை என்றார்.

மஹிந்த ராஜபக்ஷ அர­சாங்கம் கற்­றுக்­கொண்ட பாடங்கள் மற்றும் நல்­லி­ணக்க ஆணைக்­கு­ழுவின் அறிக்கையில் குறிப்­பிட்ட எதையும் நடைமுறைப்படுத்தவில்லை. மக்­களின் நலன்­களை பற்­றியோ  மோதலில் பாதிக்­கப்­பட்ட தமிழ் மக்­களின் பாது­காப்பு தொடர்­பிலோ அர­சாங்கம் அக்­கறை கொண்­டி­ருந்தால் வடக்கிலும்- கிழக்கிலும் வாழும் மக்களுக்கு நியாயமாக தீர்வு கிடைத்திருக்கும் என்றும் அவர் சுட்டிக்காட்டினார்.

0 Responses to இசைப்பிரியா படுகொலை தொடர்பில் சுயாதீன விசாரணை அவசியம் : விக்கிரமபாகு கருணாரட்ண

Post a Comment

Followers