Content feed Comments Feed
    “சுதந்திரமென்பது மனிதனின் ஆத்மார்த்மான தவிர்க்க முடியாத ஒரு தேவை, அது எட்டப்படும் வரை மனிதனின் ஒவ்வொரு துளி இரத்தத்திலும் அதற்கான வேட்கை செறிந்து கிடக்கும்”

‘ஆசிய ஒத்துழைப்பு உரையாடல்’ தொடர்பான இரண்டாவது உச்சி மாநாட்டின் பெறுபேறுகள் ஆசிய ஒத்துழைப்பு பிராந்தியத்தில் உள்ள நாடுகளுக்கிடையே சமாதானம், பாதுகாப்பு மற்றும் சுபீட்சத்தை மேம்படுத்துவதற்கு உதவும் என்று ஜனாதிபதி மைத்திரிபால சிறிசேன நம்பிக்கை வெளியிட்டுள்ளார்.

எதிர்வரும் வருடங்களில் ஆசியா ஒரு புதிய நிதிக் கேந்திர நிலையமாகவும் நிதிச் சேவை தொழிற்துறைக்கான மையமாகவும் மாறும் என்பதை சுட்டிக்காட்டிய ஜனாதிபதி, ஆசிய ஒத்துழைப்பு உரையாடலின் பங்கை ஒரு செயல்திறமான மன்றமாக மேலும் கட்டியெழுப்பும் நோக்குடன் ‘ஆசிய ஒத்துழைப்பு கலந்துரையாடல் தொலைநோக்கு 2030’ மற்றும் ‘ஆசிய கூட்டுறவு கலந்துரையாடல் பிராந்திய ஒத்துழைப்புக்கான வீதி வரைபையும் ஆசிய ஒத்துழைப்பு உரையாடல் நாடுகளின் தலைவர்கள் அங்கீகரித்துள்ளனர் என்றும் தெரிவித்துள்ளார்.

பாங்கொக்கில் நேற்று திங்கட்கிழமை நடைபெற்ற ஆசிய ஒத்துழைப்பு கலந்துரையாடலின் இரண்டாவது உச்சிமாநாட்டில் உரையாற்றிய ஜனாதிபதி சிறிசேன, ஒரு வளர்ந்துவரும் பொருளாதார நாடான இலங்கையின் நோக்கம் ஒரு உயர்ந்த வருமானம் பெறும் அபிவிருத்தி அடைந்த நாட்டின் நிலையை அடைவதாகும் எனத் தெரிவித்தார். பொருளாதார வளர்ச்சியை மேம்படுத்துவதற்கான பல்வேறு கருத்திட்டங்கள் நடைமுறைப்படுத்தப்பட்டு வருவதாகவும் ஜனாதிபதி குறிப்பிட்டார்.

ஆசிய கூட்டுறவு கலந்துரையாடல் பிராந்தியத்தில் சுற்றுலா துறைக்கு ஒரு பாரிய வாய்ப்பு இருப்பதாக ஜனாதிபதி குறிப்பிட்டார். இது எமது நாடுகளில் நிலையான சமூக, கலாசார மற்றும் பொருளாதார வளர்ச்சிக்கு முக்கிய பங்கை வகிக்கலாம். இலங்கையின் பொருளாதாரத்தை இயக்கும் ஒரு முக்கிய துறையாக சுற்றுலாத்துறை இருப்பதாகவும் ஜனாதிபதி தெரிவித்தார்.

பொருளாதார அபிவிருத்தியை மேம்படுத்துவதற்கு விஞ்ஞான தொழில்நுட்பத்துறையின் அபிவிருத்தியை ஒரு முக்கிய அம்சமாக நாம் கருதுகிறோம் என்றும் ஜனாதிபதி சிறிசேன மேலும் தெரிவித்தார்.

இந்த உச்சிமாநாட்டில் புருனை நாட்டின் சுல்தான், குவைத் அமீர், பூட்டான் பிரதமர், கம்போடிய பிரதமர், ஈரான் ஜனாதிபதி, லாவோஸ் பிரதமர், மலேசியப் பிரதமர் உள்ளிட்ட அரச தலைவர்கள் மற்றும் உயர் மட்ட பிரதிநிதிகள் கலந்துகொண்டனர்.

0 Responses to ஆசிய ஒத்துழைப்பு மாநாட்டின் பெறுபேறுகள் சமாதானம், பாதுகாப்பினை மேம்படுத்தும்: ஜனாதிபதி

Post a Comment

Followers

உலகப்பரப்பில் நடைபெறும் மாவீரர் நாள் விபரங்களை கீழ் உள்ள படத்தில் அழுத்தி காணலாம்.