Content feed Comments Feed
    “சுதந்திரமென்பது மனிதனின் ஆத்மார்த்மான தவிர்க்க முடியாத ஒரு தேவை, அது எட்டப்படும் வரை மனிதனின் ஒவ்வொரு துளி இரத்தத்திலும் அதற்கான வேட்கை செறிந்து கிடக்கும்”

அ.தி.மு.க. அம்மா அணியின் புதிய நிர்வாகிகள் பட்டியலை, அந்தக் கட்சியின் துணைப் பொதுச் செயலாளர் டி.டி.வி.தினகரன் சற்றுமுன்னர் (இன்று வெள்ளிக்கிழமை) வெளியிட்டுள்ளார்.

அ.தி.மு.க. அம்மா அணியிலுள்ள 122 சட்டமன்ற உறுப்பினர்களில் பெரும்பாலானவர்கள் முதலமைச்சர் எடப்பாடி பழனிசாமி தலைமையிலும், 37 சட்டமன்ற உறுப்பினர்கள் டி.டி.வி.தினகரன் தலைமையிலும் செயல்பட்டு வருகிறார்கள்.

கட்சியையும், ஆட்சியையும் யார் கட்டுப்பாட்டுக்குள் வைத்துக் கொள்வது என்பதில் இவர்களுக்கு இடையே கடும் போட்டி ஏற்பட்டுள்ளது. எடப்பாடிக்கும் தினகரனுக்கும் இடையே ஏற்பட்டுள்ள இந்த பலப்பரீட்சையால் அ.தி.மு.க. அம்மா அணியில் பரபரப்பு அதிகரிக்கத் தொடங்கியுள்ளது.

இந்த நிலையில் அ.தி.மு.க. அம்மா அணியின் புதிய நிர்வாகிகள் பட்டியலை டி.டி.வி தினகரன் அறிவித்துள்ளார்.

அ.தி.மு.க. அம்மா அணி அமைப்பு செயலாளராக முன்னாள் அமைச்சர் பி.பழனியப்பன் நியமனம் செய்யப்பட்டுள்ளார். சேலஞ்சர் துரை, முக்கூர் சுப்பிரமணியன், ஆர்.பி.ஆதித்தன், சாருபாலா தொண்டைமான், காமராஜ், மாணிக்கராஜா, டி.கே.எம்.சின்னையா, கே.டி.பச்சைமால், ஜி.செந்தமிழன், ஆர்.மனோகரன், எஸ்.டி.ஜக்கையன், மேலூர் ஆர்.சாமி, சி.சண்முகவேலு, மாதவரம் மூர்த்தி அமைப்பு செயலாளர்களாக நியமனம் செய்யப்பட்டுள்ளனர்.

எம்.ஜி.ஆர் மன்ற நிர்வாகிகள் தலைவராக கே.கே.சிவசாமி நியமனம் செய்யப்பட்டுள்ளார். தேர்தல் பிரிவு இணை செயலாளர்களாக தங்கதுரை, திருப்பூர் சிவசாமி, கொள்கை பரப்பு துணை செயலாளர்களாக நாஞ்சில் சம்பத், இளவரசன் நியமனம் செய்யப்பட்டுள்ளார்கள்.

இணைச்செயலாளர்கள் நடராஜன், ராதாகிருஷ்ணன், சுகுமார் பாபு, நியமனம் செய்யப்பட்டுள்ளனர். அமைப்பு செயலாளர்களாக செந்தில் பாலாஜி, தோப்பு வெங்கடாசலம், கு.ப.கிருஷ்ணன் நியமனம் செய்யப்பட்டுள்ளனர்.

0 Responses to அ.தி.மு.க. அம்மா அணியின் புதிய நிர்வாகிகள் பட்டியலை டி.டி.வி.தினகரன் வெளியிட்டார்!

Post a Comment

Followers