Content feed Comments Feed
    “சுதந்திரமென்பது மனிதனின் ஆத்மார்த்மான தவிர்க்க முடியாத ஒரு தேவை, அது எட்டப்படும் வரை மனிதனின் ஒவ்வொரு துளி இரத்தத்திலும் அதற்கான வேட்கை செறிந்து கிடக்கும்”

தெல்தெனிய, திகன பகுதிகளில் நடைபெற்ற வன்முறை சம்பவங்கள் தொடர்பில், கைது செய்யப்பட்டவர்களை வரும் 19 ஆம் திகதி வரை விளக்கமறியலில் வைக்குமாறு, தெல்தெனிய நீதவான் நீதிமன்றத்தால் உத்தரவு பிறப்பிக்கப்பட்டுள்ளது.

இது தொடர்பில் கைதான 24 நபர்கள் இவ்வாறாக விளக்க மறியலில் வைக்கப்பட்டுள்ளதாகத் தெரிய வருகிறது. இதேவேளை இச்சம்பவங்கள் தொடர்பில் நேற்றைய தினம் அமுல்படுத்தப்பட்ட பொலிஸ் ஊரடங்குச் சட்டம் இன்று காலை 6 மணிக்கு தளர்த்தப்பட்டு,  மீண்டும்  இன்று மாலை 6 மணி வரை  அமுல்படுத்தப்படுமெனவும் காவல்துறை தரப்பில் அறிவிக்கப்பட்டுள்ளது.

இது இவ்வாறிருக்க, இன்று காலை ஜனாதிபதி செயலகத்தில்  இடம்பெற்ற விசேட அமைச்சரவைக் கூட்டத்தில் அவசரகாலச் சட்டம் பிறப்பிப்பதற்கு முடிவு எடுக்கப்பட்டுள்ளதாகத் தெரிவிக்கப்படுகிறது. இச் சந்திப்பில் கலந்து கொண்டதன் பின்னதாக, அமைச்சர் எஸ்.பி. திஸாநாயக்க கருத்துத் தெரிவிக்கையில், 10 நாட்களுக்கு அவசரகால நிலையை பிரகடனப் படுத்தவதற்கான உத்தரவை பிறப்பிப்பதற்கான அதிகாரம் ஜனாதிபதிக்குள்ளதாகவும், மேலும் அதனை நீடிக்க வேண்டுமாயின் மாத்திரமே பாராளுமன்றத்தில் அதற்கான அனுமதியைப் பெற வேண்டும் எனவும் குறிப்பிட்டார்.  அவசரகாலநிலைப் பிரகடனம் தொடர்பான வர்த்தமானி அறிவித்தல் உடனடியாக வெளியிடப்படும் என அவர் ேலும் குறிப்பிட்டார்.

0 Responses to திகன கலவர சந்தேக நபர்களுக்கு விள்ளக்க மறியல், அவசரகாலநிலை அறிவிப்பு

Post a Comment

Followers

உலகப்பரப்பில் நடைபெறும் மாவீரர் நாள் விபரங்களை கீழ் உள்ள படத்தில் அழுத்தி காணலாம்.