Content feed Comments Feed
    “சுதந்திரமென்பது மனிதனின் ஆத்மார்த்மான தவிர்க்க முடியாத ஒரு தேவை, அது எட்டப்படும் வரை மனிதனின் ஒவ்வொரு துளி இரத்தத்திலும் அதற்கான வேட்கை செறிந்து கிடக்கும்”

கடத்தப்பட்டு விடுவிக்கப்பட்டதாக கூறப்படும் கொழும்பிலுள்ள சுவிட்சர்லாந்து தூதரகத்தின் பணியாளர், குற்றப்புலனாய்வு திணைக்களத்தில் (சி.ஐ.டி) இரண்டாவது நாளாக இன்று திங்கட்கிழமை ஆஜராகியுள்ளார்.

குறித்த சுவிஸ் தூதரக பணியாளர் கடந்த நவம்பர் மாதம் 25ஆம் திகதி தனது அலுவலக பணிகளை நிறைவு செய்து வீடு திரும்பும் போது கடத்தப்பட்டதாக தகவல் வெளியானது.

அதனையடுத்து, இந்த சம்பவம் தொடர்பில் குற்றப்புலனாய்வு திணைக்களம் விசாரணைகளை ஆரம்பித்தது. அத்துடன், சம்பவம் தொடர்பில் கொழும்பு பிரதான நீதவான் நீதிமன்றத்தில் குற்றப்புலனாய்வு பிரிவினர் விடயங்களை முன்வைத்தனர்.

குற்றப்புலனாய்வு பிரிவில் முன்னிலையாகி குறித்த பணியாளர் வாக்குமூலம் வழங்க வேண்டும் என சுவிஸ் தூதரகத்துக்கு நீதிமன்றம் அறிவித்திருந்தது.

இந்த நிலையில், கடத்தப்பட்டதாக கூறப்படும் குறித்த சுவிஸ் தூதரக பணியாளர் குற்றப்புலனாய்வு திணைக்களத்தில் நேற்று இரவு முன்னிலையாகி வாக்குமூலம் வழங்கினார். அத்துடன், குறித்த பெண் ஊழியர், கொழும்பு சட்ட வைத்திய அதிகாரியிடம் இன்று பிற்பகல் முன்னிலைப்படுத்தப்பட்டார்.

மேலும், வெளிநாடு செல்ல விதிக்கப்பட்டிருந்த தடை எதிர்வரும் 12ஆம் திகதி வரை நீடிக்கப்பட்டுள்ளமை குறிப்பிடத்தக்கது.

0 Responses to சுவிஸ் தூதரக பணியாளர் இரண்டாவது நாளாக சி.ஐ.டி.யில் வாக்குமூலம்!

Post a Comment

Followers